Donderdag 14 Maart 2019 was dit weer tyd vir die manne van die Noord Kaap om te rys na Richardsbaai waar die FFFF’s toer tussen Round Table Noord Kaap en Round Table Natal Noordkus vir die 29ste agtereenvolgende jaar sou plaasvind. Vier van die Noord Kaap se ses tafels is op dié toer verteenwoordig nl, Prieska, Douglas, Hartswater en Vryburg. 14 Noord Kaap Tafelaars in totaal het die toer meegemaak.
Vyf van Prieska se manne het Donderdag oggend om 06:00 vertrek na Kimberley waar ons die bus sou kry en ook waar Hartswater en Douglas by ons sou aansluit. Attie Naude was die organiseerder van die naweek dus het alles vlot verloop en ons program was op tyd. Vanaf Bloemfontein was daar maar gereelde stoppe langs die pad, Attie wat agter die stuur was het egter verlore tyd goed opgemaak op die pad. Soos julle kan sien op die foto hieronder.
Attie die spoedvraat
Midagete was beplan op Harrismith waar ons saam Harrismith se tafelaars sou eet. Die tyd was bietjie sleg aangesien dit binne werkstyd was en kon slegs 1 tafelaar, Andre Beket by ons aansluit. Van Harrismith was ons opad na Pietermaritzburg waar hulle die manne vir ons gewag het met steak rolls en ‘n paar ander verversing. Hierdie stop was een van vele hoogtepunte die naweek. As gevolg van die lekker kuier by PMB 12 het ons program vir die 1ste keer bietjie agter geraak. Ons is baie later daar weg as wat beplan was maar ons het nog ‘n beplande stop by Durban 2 ook gehad. Soos op enige tafel trip het ons weer baie goeie vriende gemaak wat vir altyd sal bly. Omstreeks 20:00 het ons die pad gevat na Durban waar ons na Durban 2 se klubhuis is, die bus het teen die tyd al baie vroliker geklink as ‘n paar uur gelede. Kerneels Greyling, 1 van Prieska se pipeliners was nou agter die stuur en tussen die musiek en al die “navigators” in die bus het dit maar rof gegaan maar ons kon daarin slaag om Durban 2 se klubhuis te kry. Weer het ons lekker gekuier en iets gehad om te eet. Gedurende die tyd by Durban 2 se klubhuis het nog vier van Prieska se manne geland op King Shaka lughawe wat later by ons sou aanlsuit by ons verblyf. Omstreeks 23:00 die aand was almal ingesettle en wou ons bietjie Durban se strate gaan verken. Was dit nou ‘n aand om te onthou.
Vrydagoggend was dit maar moeilik om almal uit die bed te kry en so stuk stuk het ons begin klaar maak. Die “back packers” waar ons oornag het sal nooit weer dieselfde wees nie. Dis ook waar Gareth Mullin se gesogde woorde “I don’t feel so good” ontstaan het nadat die skoonmakers gevra het “Why you people so sick”. Van daar is ons na uShaka Marine world waar ons bietjie die water slides gaan beproef het. Hier het Wilton Viljoen en Hennie Stols van Vryburg ook by ons aangesluit en was ons volledig met 14 man sterk. Ons het vertrek en die volgende stop was Ballito waar ons middag ete afgesluk het met ‘n paar jugs R&R by Mo-zab-bik. Hilton Megaw en sy gesin het by ons aangesluit aangesien hulle daar was met vakansie. Die manne was maar taamlik moeg Vrydag en almal was maar stil die laaste 120km na Richardsbaai. Na alles afgepak is by ons gastehuis is ons na Richardsbaai 200 se klubhuis waar ons baie lekker onthaal is en weereens ‘n hond uit ‘n bos gekuier het saam met ons vriende van Natal Noordkus.
Saterdag was dit tyd vir die NNC AGM wat geopen is deur ons Noord Kaap Area voorsitter, Attie Naude. Na die sersant ‘n paar strawwe doppe uitgedeel het het die FFFF’s manne verdaag waarna die NNC manne ons op die strand gaan bederf het met ‘n kreef en visbraai wat hulle self gevang het. Dit was iets om te beleef, dit voel amper of jy op ‘n eiland iewers sit. Die manne van die Noord Kaap ken mos nie eintlik die see nie en meeste van ons het gaan toets of die water regtig so warm is soos hulle sê en nee dit is nie waar nie. Voor ons ons oë kon uitvee was ‘n dag verby en ons moes terugkeer as ons nog die dinee sou bywoon. Die pad terug het ‘n groepie van ons bietjie bundu bashing in Kevin Boonzaaier se FJ Cruiser gedoen. Ek was lanklaas so bly om weer ‘n teerpad te sien na die paar kilometer deur die bos. Die dinee het om 19:00 begin en dit was 1 vir die boeke. Na die dinee het paar van die FFFF’s manne gaan slaap en die nader was ned betyds by die huis vir die bus se vertrek opad terug na die Noord-Kaap. Daar is ‘n gesegde in RoundTable dat maak nie saak hoe en waarheen jy travel nie, “You never travel bad in Round Table” en dit is ‘n feit soos ‘n koei. 2020 is ek die 1ste wat my naam op die FFFF’s lys sit.
