Vir die van julle wat nog nie by Augrabies 273 kom kuier het nie, nou is jou kans!!!! Met die draai van die seisoene is hierdie tyd van die jaar ‘n erg fustrerende tyd vir baie mense – hooikoors, sinus, blokasie, dik kop, snuif snuif, ens ens. En Augrabies 273 het net die regte medisyne vir al jou blokasie probleme:
Augrabies 273 Snuif-masjien (gewaarborg om enige blokasie vanaf die neus tot verby die foefenjol onmiddellik oop te maak)!!!
Hier demonstreer De Wet (Augrabies 273 Voorsitter) en Pieter vir ons hoe die hele “ontblokkings” proses werk:
1. Laai ‘n goeie dosis snuif op die masjien (verkieslik vir albei neusgate tegelyke tyd … anders moet jy die proses nou net weer herhaal).
2. Neem stelling in agter die masjien (neusie plat op die hakkie sodat beide neusgate goed gedoseer kan word).
3. Nou moet jy DIEP deur die neusgate in asem haal!! En terwyl jy so inasem word die dosis toegedien deur met die hamer op die plaatjie te slaan wat die snuif dan in die neusgate in opskiet tot agter in die kop en dan ver, ver verby die foefenjol!!! Sien – ALLE blokkasies is nou skoon.
4. “Dis heerlike Lente (ha-tsi), die winter’s verby (haaaa-tsi), weer nooi berge en klowe (haaaaaaaaaa-tsi), vir jou en vir my (klaar gehat-si)!!!”