Saterdag 22 Junie 2019 was daar ‘n golfdag gereël ten bate van Anabelle van Rensburg (5) wat onlangs gediagnoseer is met tipe 1 diabetes. Die kostes vir so iets beloop duisende rande en die gemeenskap van Prieska en die omliggende dorp het ingespring om fondse in te samel vir die gesin. Die golfdag was ‘n grootsukses en amper al die lede van Prieska 161 het gespeel, alle inskrywings vir die dag is geskenk vir Anabelle. Daar het ook baie geld gekom van alle Tafels in die Noord-Kaap. Die dag was ‘n reuse sukses en daar is ‘n enorme bedrag ingesamel deur die gemeenskap asook die betrokke Tafels van die Noord-Kaap. Baie dankie aan elke persoon wat deel was van die dag en ook die projek om dit vir Anabelle makliker te maak. Hierdie was nie ‘n Tafel projek nie maar Tafelronde het weereens ‘n groot verskil gemaak in iemand se lewe.
