Saterdag 11 Februarie 2017 was dit weer tyd vir Prieska Roundtable 161 se algemene jaarvergadering sowel as inhuldings dinee van die nuwe voorsitter en onder voorsitter vir die komende jaar. Die inhuldigings dinee was gehou by die GWK raadsaal en dit was streng formeel. Die manne was uitgevat in hul swart pakke maar die vrouens het die kollig gesteel. Al die dames het asemrowend gelyk in hul aandrokke. Daar was ook ‘n paar 41’ers en hulle vroue teenwoordig, oom Bob Cilliers, wat ‘n stigters lid is van Prieska161 het ook die aand saam gekuier en self ‘n staaltjie of 2 vertel. Ferdinand Krapohl het sy toespraak gelewer as uittredende voorsitter en die jaar was omtrent ‘n groot sukses met hom aan die stuur. Pieter Paul de Vries, Noord Kaap area voorsitter, het die oorhandiging gedoen en die nuwe president vir 2017, Egbert van Rensburg aan al die gaste voorgestel. Baie sterke Egbert en Lee-Ann vir die jaar wat voorlê. Ons as Prieska 161 tafelaars sien uit vir die jaar saam met jou. Christo de Witt is ook ingehuldig as ondervoorsitter vir die jaar. Baie geluk ook aan hom en sy vrou Jancke.
Pieter Paul wens Egbert van Rensburg geluk met sy inhuldiging as Prieska 161 se voorsitter vir 2017.
Pieter Paul de Vries, Noord Kaap Area voorsitter by Prieska 161 se nuwe ondervoorsitter vir 2017, Christo de Witt.