Prieska 29 Augustus was weer die jaarlikse 4×4 wat aangebied was deur Round Table Prieska 161. Die tafelaars was van vroeg af besig met relings en inksrywings het om 08:00 begin by Prieska Golfclub. Deelnemers het van ver gekom en altesaam 20 voertuie het ingeskryf. Die baan was goed voorberei en was bietjie moeiliker as die vorige jare so die bestuurders moes hulle storie ken. Daar was altesaam 6 hindernisse vir die dag met die laaste 1 geken as “Ferdi se lang duin” die mees opwindenste. Na 8 jaar kon niemand koning kraai van die duin nie. Na afloop van die kompetisie was daar ‘n prysuitdeling by Prieska Golfclub met ‘n lekker steakete. Die wenners van die dag was as volg, in die 3de plek was Johan van Staden van Prieska, 2de was Liezel van der Westhuizen van Douglas en in die 1ste plek Danie Fourie van Douglas met sy Toyota Landcruiser. Die dag was weereens ‘n reuse sukses te danke aan almal wat betrokke was, al die touskouers, deelnemers en die tafelaars van Prieska met die hulp van hulle vrouens. Dan wil die Round Table al hulle borge weereens bedank vir elke bydrae, sonder elkeen van julle sal die dag nooit kan realiseer nie. Ons hoop om volgende jaar weer almal se samewerking te kan he en die dag nog groter en beter te maak.