Op 25 Mei 2018 het Prieska 161 soos gewoonlik die jaarlikse Winterknights projek afgeskop by die klubhuis. Die dorp se skenkers is onthaal met verversings en almal het ‘n lekker sosiale geleentheid hiervan gemaak. Op die aand is 48 sakke klere, komberse en skoene ingesamel en drie trollies kos, wat die tafellaars vroeër die middag met die R5 projek by OK en Spar ingesamel het. Hier staan Attie en Christo by Chriselda Gouws, wat die NG kerk voedselprojek hanteer, by die skenking. Baie geluk aan Prieska 161 met hierdie spanpoging. Dit maak die winter beter vir so baie mense.