SIEN DIE WERELD MET UPINGTON 79 – SAFARI ETE 2018
Op Saterdag 20 Oktober was dit weer tyd vir Upington 79 se jaarlikse Safari ete. Hierdie sosiale byeenkoms is `n hoogtepunt op die Tafel Kalender en almal sien jaarliks uit na die lekker dag van baie kuier, baie eet, en baie lag.
Lande is getrek op die Oktober besigheids vergadering en elke Tafelaar het dus oorgenoeg tyd gehad om sy vrou in te lig van watter kos gemaak moet word, watter drankies gebrou moet word, en die hoeveelste stop hulle sou wees op hierdie uitstappie.
Daar is 2 uur by land nommer een gestop, Thailand, beman deur Conrad en Maryke Gresse, daar was redelik vasgehaak aan cocktails en `n paar tipiese Thai Noodle disse, die party was reeds op volle dreef en agter skedule toe ons aanbeweeg het in `n vrolike luim.
Stop nommer twee was in Indie by Meneer en Mevrou Voges. Warm kos en koue bier het die bedryf mooi aan die gang gehou.
Stop nommer drie was by Louis en Christa van der Walt, en Spanje was baie verwelkomend. Tog wel nie baie maklik nie.
Stop nommer 4 was by pipeliner Nils en die manne het Duitsland geniet met sy Eisbeins en bier.
Daarna na stop nommer 5, by die Nel-Kuhn egpaar in Mexico – daar was lekker Mexikaanse kos, maar so bietjie te veel Mexikaanse dans sap.
Na baie tequila’s beweeg die bus na Dave en Lynne in Cuba, waar ek geleer het Kubane rook sigare en drink basies Rum en Coke.
Die partykie en toer het tot `n einde gekom by AJ & Lene Bloem in Brazil – ongelukkig het ek hier al reeds my notas verloor.
Aangeheg is `n lekker klomp foto’s van een baie lekker Safari Ete.
Dit is net `n vooreg om die wereld te sien so saam met jou Tafel pelle!
Upington 79 Gemsbok Rally Kroeg `n groot Sukses!
Op die naweek van 28 Augustus het Upington 79 vir die 2de jaar die kroeg beman by die Gemsbok Rally. Donderdag is daar kroeg gebou, yskaste gepak en reggemaak vir die groot naweek en baie harde werk wat voorle. Donderdag aand het n paar plaaslike bikers ons reeds kom ondersteun en die “dry run” het ons voorbery vir wat `n baie rowwe naweek sou wees.
Vrydag het dinge so van namiddag af begin spoed optel en teen 7 uur verander in `n stormloop wat eers om middernag rustiger sou raak. Rondom 2 uur is die kroeg gesluit en het `n klomp moeë Tafelaars `n welverdiende rus gaan vat. Saterdag more om 8 uur was ons weer aan die gang en het ons weer begin skink. Die partydjie het aangehou tot ver na middernag en daarna moes ons seker maak alles is weggepak en toegesluit. Teen 3 uur die more kon ons ook `n slag ontspan. En ons het so gemaak, daar is vuur aangesteek, `n staanrib gebraai, en lekker gekuier en nabetrag oor `n moeilike, maar baie suksesvolle naweek.
Upington 79 bedank graag twee van hul 41ers wat kom uithelp het toe dinge baie rof gegaan het en ons ekstra hande benodig het. Baie dankie Marius Orffer en Christo Liebenberg vir jul hulp. So ook het Douglas 224 se Voorsitter, Andreaco le Grange sowel as Michael Jacobs van Douglas 224 kom hand bysit, sowel as `n paar goeie vriende van Tafel. Dankie aan julle almal. Spesiale dank aan Marelise Voges en Maryke Gresse wat seker gemaak het ons plek bly skoon, chargers aangedra het, en gehelp het om al die kroeg manne gehidreer te hou.
Hierdie was `n massiewe projek waar baie fondse ingesamel is vir die Upington gemeenskap en ons sien uit na die volgende een!
Reg om te ontspan na `n laaang naweek van harde werk, VLNR – AJ Bloem, Louis van der Walt, Chris Voges, Andreaco le Grange, Conrad Gresse, Michael Jacobs, Willie Gresse.
Upington 79 Voorsitter Conrad Gresse & Douglas 224 Voorsitter Andreaco Le Grange hard aan die werk – Douglas kon nie n beter tyd kies vir n raid nie. Upington skuld julle definitief n ontspanne braai by ons klubhuis!
Baie dankie aan die Upington 79 Voorsitters en Vise Voorsitters vroue, Maryke Gresse en Marelise Voges vir jul harde werk en baie hulp!
Hard aan die werk!
n Oomblik van bietje stilte tydens die prysuitdeling!
Hie kommie Bokke
Upington 79 het hul deel gedoen om seker te maak die Bokke wen die toetsreeks teen die Engelse. ‘n Bus vol tafelaars en 41ers het Saterdag oggend vroeg die pad gevat na Bloemfontein om die tweede toets en Beast se 100ste by te woon op die Vrystaat stadion.
Op Kimberley is daar middagete geniet, en sommer `n vinnige pool aanmekaar geslaan. Soos julle op die foto kan sien is ons almal geharde Bok Ondersteuners. Behalwe Johan, van wie ons nie verder praat nie.
Baie geluk aan WH van Augrabies 273 wat telefonies ingeskryf het, en toe sommer ook die prys gewen het met `n goeie voorspelling.
Die rugby sowel as die geselskap was uit die boonste rakke. Almal het die uitstappie baie geniet, en party manne het Sondag weer die rugby gekyk, en to `n biekie meer opgelet. Ons maak weer so!
